مانسيتك يا مراية

Prompt

مانسيتك مانسيتك سجّليت اسمك صحيفه ابّاب گلبي وخزّنيتك... وعلگيتك صورة عالحايط اگبالي... شما اطب البيت اشوفك تضوي بيتك... وگمت اعدّلّك ثواني اسنين عمري  اتنطّريتك... يالّي عطرك ظال باقي اعله القميص... شما اريد البس قميصي بعطرك أسكر حيل احب هذا القميص الچنّه نيتك... ودوّريتك چلمه بأفواه الحقايق  والصور وابكل حدايق واعتنيتك... ودوّريتك، دوّريتك وردة مشتوله ابحدايقنا الجميلة اتصوريتك... ومانسيتك... وانتَ يامراية حياتي البيك اشوفن  غنوة احلامي الجميلة و لحّنيتك ... ودوّريتك دوّريت بكل زوايه البيت لأشتم بيها عطرك... واهجس انفاسك واحسهَا ومالگيتك... و دوّرت كل بيت يمّي وحاره حاره ومن عجز منّي انتظاري اشگد بچيتك... وگمت ادوّر بالدفاتر بالقصايد بالكُتب ذيچ القديمة... و دوّرت سحارة ٱمي البيها حافظ ذكريات من الطفوله واشتهيتك... وشفت لمّن ما لگيتك... الحزن واسنين حسرة الخيّمن كلهن عليه وتاهت افكاري ونخيتك ... وگمت أصيح بصوت حرگه ... يالچنت كلشي بحياتي يا نفس واتنفسيتك... وگمت ادور اردود باثيابي القديمه بالصور والذكريات  ودوّرت گلبي  ولگيتك... مانسيتك..