توأم روحي

プロンプト

توأم روحي هييا اللي كتفهمني فـي كل الأمـور ما دارت هاد لفضيحة أوكتعرفني في كل الشعور ݣلوبنا مكويّية بجمرات من نـار الحـسّاد وما كرهوا يعطوني طريحة وسط العباد كاتلعبو دور النصيحة وأنتوما غير مصلاحجيية هاد العشيرة واقفة بلا بيكم اوماتوصلنا البلطاجيية مراقبيني في التعاليق وباغيين ليا الخسران معامن دويت ومعامن شطحت فكل مكان تݣول خايفين عليا مسكينات وهما العشّاق وكل وحدة كاتنش على كبالتها بالتعشاق حنا بنينا صرحنا بالنية والݣلب الصافي وكل وحدة دخلت لعرضنا تلقى الباب كافي كاين لي عزيز عليها غير ألحاجه المشروكة وكاين اللي تبغي تفرق لݣلوب اللي مشبوكة راكم غير مقارقين بحال ألدجاجة علا الخوى وبحلوفي وبإيماني اللي جات زالقا أنطلعها تشوا جمعو راسكم معايا راه غنديرليكم حفله علا غفلة ما كاين غير المعقول أوعنتر يدي عبلة هاد الحب اللي محوطين بيه ماشي حب عادي حب توأم روحي عظيم هوا اللي مفرح لي فؤادي اللي عنده بحال هاد الحب ماعمراو مايطيح ويبقى ديما عالي عليهم أوطاير بلا جوانيح بقاو تقلبو فالهضرة وتديو أوتجيبو فيها حنا راكبين سفينتنا وحنا اللي قايدين فيها يا مولاتي هاد الكلمة مني واصلة الݣاع الناس كل وحدة عاقت وبغات تخرب لينا الأساس هادشي كلو باش تعرفو الحب ديالنا فصوب كبير والله ما يفرقونا ولو طال الحال يا أمير