بتتذكّري؟

プロンプト

مطرح ما كان الورد كنا نلتقي /بتتذكّري؟/ كان الهوى بعيوننا عضمو طري.... كنت زرعك... ع شفاف ضحكات الجبل... تَ تقطفي عناقيد من كرم الأمل... تَ تشربي خمرة فرح هاك الطفل... و تقلّك الأيام: أوعى تكبري... /بتتذكري؟/ شو كانت عصافير تحسدنا... و تكتب شعر ع كتاف مقعدنا... تغنّي.... و يعزف عطر موعدنا... و بيني وبينك يرقص الحب البري /بتتذكري؟/ أولّ رسالة بتكتبا عيوني... شو سرقت حكايات مجنونة.... و بيومها... ع الليل ودوني... و صرتي مع الموال إنتي تسهري... بتتذكري...؟ يا خوف قلبي تتركي نيسان يلي جمعنا و تعشقي النسيان... و ضيع من كتابي انا العنوان و ما عاد ع صفحة حنيني تدوري