قلب أمك مجروح

Prompt

لُمِّيمَة تَبْكِي عْلَى وْلِيدْهَا اللِّي حْرَقْ وْرَاحْ مَا تُرْقُدْ مَا يْجِيهَا نُومْ وَالْقَلْبْ مْلَانْ جْرَاحْ تْبَاتْ سَهْرَانَة وَتْخَمّمْ حَتَّى يَطْلَعْ الصْبَاحْ تَبْكِي وُمَا قَدْرَتْ تَتْكَلّمْ وْدَمْعْ الْعِينْ طَاحْ مْقَابْلَة الْقَبْلَة وْتْدْعِي وْتْقُولْ يَا وْلِيدِي أُرْوَاحْ وَعْلَاهْ يَا لِيَّامْ تَخَدْعِي وْتَسَّلْبِي مِنِّي لَفْرَاحْ رَاحْ وخَلَّانِي وَحْدِي وفِي لَمْحَانْ رَانِي نْعَدِّي دَايْرَة يَدِّي عَلَى خَدِّي وَنْفَكّرْ غِي فِيكْ يَا وْلِيدِي شَعْلَتْ نَارْ فِي كْبَادِي وقَلْبِي مَا يَقْدَرْشْ يَنْسَاكْ قَلْبْ أُمّكْ رَاهْ يَقْدِي كِي رُحْتْ وُخَلِّيْتُو مُورَاكْ عَلَ فْرَاقَكْ شْتَا يْصَبّرْنِي مَا كُنْتْشْ ظَانّكْ تَغْبَنِّي مَا نُرْقُدْ مَا نْبَاتْ هَانِي وَأَنَا حَالْكْ رَاهْ شَاطْنِي مَكَاشْ لِي جَاوْ هَنَّانِي مَنَّكْ رَانِي مْحَيَّرْ وُنْعَانِي مَكَانْ مَنْ جَا وُرَاسِلْنِي وقَالِّي وْلِيدَكْ كِي صْرَالُو انْقَطْعُوا عَلَيَّا لَخْبَارْ وُكُلّْ يُومْ نِتْخَيَّلْ فِي حَالُو خَايْفَة إِلَا كْلَاهْ لَحُوتْ فِي وُسْطْ لْبَحْرْ و هْوَالُو خَايْفَة إِلَا خَطْفُو لْمَوْتْ وُخَبَّاوْهَا عَلَيَّا وُمَا قَالُوا